NOTICIAS TerraDeLemos

Carnaval 2012

Un año más acompañados por el buen tiempo y la participación de más de 1500 disfraces , el desfile de Carnaval 2012 recorrió las calles de Monforte de Lemos. Puedes ver 120 fotografías de las distintas comparsas en la galería de terradelemos.

Cm001

Exposición de pintura

A Exposición de pintura "Soños irreais", que se poderá visitar na Casa da Cultura entre o 2 e o 28 de febreiro de 2012, inclúe as obras máis carismáticas da pintora galega Novais. Os seus cadros son o resultado da busca de distintas formas de expresión dentro da arte e así ofrecer ao espectador unha temática variada, onde o dominio da forza e as súas formas mostran unha pintora con carácter.

A mostra remarca a relevancia que Novais concede ás distintas técnicas e estilos. O seu é un universo ecléctico e creativo que permite que a mirada curiosa teña un abanico de posibilidades visuais ao seu alcance.

Quiosco da praza de Santo Antón

A Xunta Local de Goberno aprobou o Prego de Condicións Xurídicas e Económico Administrativas que rexerán a adxudicación da concesión do quiosco instalado na praza de Santo Antón. O prazo de presentación de ofertas será de 30 días naturais a partir da data de publicación das citadas bases no Boletín Oficial da Provincia (BOP).

O contrato ten por obxecto outorgar o uso privativo normal para a explotación, mediante a modalidade de concesión administrativa persoal e intransferible, dun ben de dominio público.

A Carreira Popular

O alcalde e o técnico de deportes presentaron a cuarta edición da Carreira Popular Concello de Monforte que se celebrará o domingo día 18 de marzo.

Severino Rodríguez dixo que esta carreira nacera con vocación de continuidade e que, a día de hoxe, xa estaba consolidada no calendario galego de probas atléticas. O alcalde salientou o seu carácter popular combinado coa presenza de destacados atletas federados. Outro dato que aportou o rexedor municipal foi o da alta participación que rexistra, chegando ós 500 corredores na categoría absoluta e ós 250 nas categorías menores.

A Carreira Popular é un evento deportivo dos máis importantes, se non o máis importante, que organiza o Concello de Monforte durante o ano 2012, dada a súa repercusión social polo carácter popular da proba, na que pode participar calquera persoa que o desexe sen necesidade de pertencer a algún club deportivo federado.

A Carreira, que conta coa colaboración de Coca Cola, Código Sport e Xoiería Camilo, divídese nunha serie de probas para categorías menores e nunha proba para categoría absoluta.

Máis información na web do concello www.monfortedelemos.es